إذا دخلتِ قسم العناية بالدورة وحسيتي إن المنتجات كثيرة، لا تشيلين هم. أول مرة كلنا نحتار، لكن إذا عرفتي استخدام كل منتج، بتصير الصورة أوضح، وتعرفين وش يناسبك من البداية.
مع بداية الدورة، يستخدم لهوم الأيام الأولى مع الحليب حسب طريقة الاستخدام الموضحة على المنتج، ويحضر فنجان القهوة للأيام الأولى مع القهوة العربية، ويؤكل معه حوائج التمر.
وخلال اليوم، يشرب شاي الأعشاب مع وجبة الفطور، ويمكن شربه أيضًا خلال اليوم حسب الحاجة.
ومع اقتراب نهاية الدورة، يستخدم لهوم الأيام الأخيرة مع الحليب أو الخبز حسب طريقة الاستخدام، ويحضر فنجان القهوة للأيام الأخيرة مع القهوة العربية.
وبعد انتهاء الدورة، يستخدم غسول بعد الدورة للمناطق الحساسة للعناية والنظافة الشخصية، ويستخدم بخور الكبو لتدفئة المنطقة بالطريقة الموضحة على المنتج.
وإذا ودك يكون كل شيء جاهز من البداية، فبتلقين بكج العناية بالدورة اللي يجمع المنتجات الأساسية مع جدول استخدام يوضح لك ترتيبها خطوة بخطوة، حتى يكون كل شيء واضح وسهل من أول يوم.
العناية ما توقف على المنتجات .. العناية بهالفترة ما تعتمد على المنتجات بس، هي تبدأ من اهتمامك بنفسك. احرصي على وجباتك، ولا تخلين الجوع يطول، واشربي المشروبات الدافية، مثل شاي الأعشاب مع الفطور، وحافظي على الدفا، وتجنبي التعرض للبرد أو المشي حافية إذا كان هذا من روتينك المعتاد.
هالتفاصيل البسيطة، مع العناية المناسبة، تساعدك تمرين هالفترة براحة أكثر، ولما تهتمين بنفسك من الداخل والخارج، تحسين بالفرق على نفسك مع الوقت.
كلمة من القلب 🤍
إذا وصلتي لهنا، أتمنى إن الصورة صارت أوضح، وعرفتي استخدام كل منتج ومتى يجي وقته. مو الهدف إنك تشترين كل شيء، الهدف إنك تعرفين وش تحتاجين، وتختارين اللي يناسبك وأنتِ مرتاحة. وإذا احتجتِ أي استفسار، حنا في روائح الشمال موجودين، ونسعد نساعدك بكل سرور.
الله يكتب لك الراحة والعافية، ونشوفك قريب في مقال جديد على مدونة روائح الشمال.